Saturday, November 18, 2017

இலங்கை, இந்தியா இடையிலான முதல் டெஸ்ட்: இரண்டாம் நாள் ஆட்டமும் மழையால் தடைப்பட்டது!

SHARE

இலங்கை, இந்திய அணிகளுக்கிடையிலான முதல் டெஸ்ட் கிரிக்கெட் போட்டியின் இன்றைய இரண்டாம் நாள் ஆட்டமும் மழை காரணமாக பல மணித்தியாலங்கள் தடைப்பட்டது.

இன்று 21 ஓவர்களை மாத்திரமே வீச முடிந்த நிலையில், இந்தியா மேலும் 2 விக்கெட்டுகளை இழந்து 57 ஓட்டங்களைப் பெற்றது.

கொல்கத்தா ஈடன் கார்டன்ஸ் மைதானத்தில் இடம்பெறும் இந்தப் போட்டியில் இரண்டாம் நாளான இன்று 3 விக்கெட் இழப்பிற்கு 17 ஓட்டங்களுடன் இந்தியா முதல் இன்னிங்ஸைத் தொடர்ந்தது.

ஓட்டமின்றி களமிறங்கிய அஜின்கெயா ரஹானே, ரவிச்சந்திரன் அஸ்வின் ஆகியோர் தலா 4 ஓட்டங்களுடன் தசுன் சானக்கவின் பந்துவீச்சில் ஆட்டமிழந்தனர்.

பொறுமையுடன் துடுப்பெடுத்தாடும் செட்டிஸ்வர் புஜாரா 47 ஓட்டங்களுடன் ஆட்டமிழக்காதிருந்தார்.

இந்திய அணி 5 விக்கெட் இழப்பிற்கு 74 ஓட்டங்களைப் பெற்றிருந்த போது மழை காரணமாக ஆட்டம் தடைப்பட்டு, அத்துடன் இரண்டாம் நாள் ஆட்டம் முடிவுக்குக் கொண்டுவரப்பட்டது.
SHARE