Wednesday, March 28, 2018

விரைவில் விஸ்வரூபம்-2 டிரைலர், இசை வெளியீட்டு விழா!

SHARE


கமல்ஹாசன் நடிப்பில் உருவாகியுள்ள விஸ்வரூபம்-2 டிரைலர் மற்றும் இசை வெளியீட்டு விழா விரைவில் நடக்கவுள்ளதாக தகவல் வெளியாகியுள்ளது.

உலக நாயகன் கமல்ஹாசன் நடிப்பில் கடந்த 2013ஆம் ஆண்டு வெளிவந்த திரைப்படமான 'விஸ்வரூபம் படத்தின் இரண்டாம் பாகத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் கடந்த சில மாதங்களாக நடைபெற்று வந்த நிலையில் சமீபத்தில் இந்த படத்தின் அனைத்து பணிகளும் நிறைவடைந்ததாக கமல்ஹாசன் தெரிவித்திருந்தார்.

அந்நிலையில், இந்த படம் சென்சாருக்கு சென்றது. சென்சார் அதிகாரிகள் இந்த படத்தை பார்த்து UA சான்றிதழ் அளித்துள்ளனர். தணிக்கை சான்றிதழ் பெற்றதை அடுத்து இந்த படம் ரஜினிகாந்தின் காலா படத்துடன் வரும் ஏப்ரல் மாதம் தமிழ்ப்புத்தாண்டு தினத்தில் வெளியாகும் என்றும் எதிர்பார்க்கப்படுகிறது.



இந்நிலையில், இந்த படத்தின் டிரைலர் மற்றும் இசை வெளியீட்டு விழா, கமலின் அரசியில் வருகையை முன்னிட்டு விரைவில் பிரம்மாண்டமாக நடக்கவுள்ளதாக தகவல் வெளியாகியுள்ளது.
SHARE