Monday, March 26, 2018

யாருக்கு வாக்களிப்பது என தொலைபேசியில் ஆலோசனை கேட்டார்களா ?

SHARE


யாழ்.மாநகர சபை சபா மண்டபத்தினுள் பல உறுப்பினர்கள் கைத்தொலைபேசியில் உரையாடிய வண்ணம் காணப்பட்டனர். யாழ்.மாநகர சபை முதல்வர் தெரிவுக்காக இன்றைய தினம் திங்கட்கிழமை கூடி இருந்தது.

அதன் போது யாழ்.மாநகர சபை முதவர் தெரிவுக்கு உறுப்பினர்களின் பெயர்கள் பிரேரிக்கப்பட்டன. தமிழரசு கட்சி சார்பில் இமானுவேல் ஆர்னோல்டும் , அகில இலங்கை தமிழ் காங்கிரஸ் கட்சி சார்பில் விஸ்வலிங்கம் மணிவண்ணனும் ஈழமக்கள் ஜனநாயக கட்சி சார்பில் முடியப்பு ரெமிடீயஸ்சும் முதல்வராக பிரேரிக்கப்பட்டனர்.

அதை அடுத்து வாக்கெடுப்பு மூலம் முதல்வர் தெரிவு செய்யப்படுவார் என ஆணையாளர் தெரிவித்தார். அதனை அடுத்து வாக்கெடுப்புகள் நடாத்தபட்டன. அதன் போது பல உறுப்பினர்கள் கைத்தொலைபேசியில் உரையாடிய வண்ணம் காணப்பட்டனர்.

வாக்கெடுப்பின் போது தாம் யாருக்கு வாக்களிக்க வேண்டும் என்பது தொடர்பில் தனிப்பட்ட ரீதியில் தொலைபேசி ஊடாக தமது கட்சி தலைமைகளிடம் ஆலோசனை கேட்டார்களா ? எனும் சந்தேகம் வெளியானது.








SHARE