Thursday, July 26, 2018

விஜய்க்கு வில்லன் ’டாங் லீ’ இல்லையாம்... அப்ப யாரு..??

SHARE
விஜய்க்கு வில்லன் ’டாங் லீ’- படக்குழு மறுப்பு
ஏழாம் அறிவு படத்தின் வில்லனாக நடித்த பிரபல அமெரிக்க நடிகர் ஜானி, விஜய்யின் சர்கார் படத்தின் நடிக்கவில்லை என்று படக்குழு தகவல் தெரிவித்துள்ளது.

துப்பாக்கி, கத்தி படங்களை தொடர்ந்து விஜய், ஏ.ஆர். முருகதாஸ் கூட்டணியில் மூன்றாவதாக தயாராகி வரும் படம் ’சர்கார்’. அரசியல் அதிரடி த்ரில்லர் படமாக தயாராகி உள்ள இப்படம் தமிழக ரசிகர்கள் மத்தியில் பெரிய எதிர்பார்ப்பில் உள்ளது.

முன்னதாக இந்த படத்தில் வில்லானாக ஜானி நடிக்கிறார் என்று சொல்லப்பட்டது. இவர் ஏழாம் அறிவு படத்தில் டாங் லீ என்ற கதாபாத்திரத்தில் வில்லனாக நடித்து மிரட்டிப்பார்.




ஆனால் இந்த செய்தியை மறுத்துள்ள படக்குழு, சர்கார் தொடர்பான எந்த வித வதந்திகளையும் நம்ப வேண்டாம் என்று தயாரிப்பு நிறுவனம் தரப்பில் தகவல் தெரிவிக்கப்பட்டுள்ளது.




சன் பிக்சர்ஸ் நிறுவனம் பிரம்மாண்டமாக தயாரித்து வரும் ’சர்கார்’ படத்தில், விஜய் முதன்மை கதாபாத்திரத்தில் நடித்து வருகிறார். கதாநாயகியாக கீர்த்தி சுரேஷ் நடித்துள்ளார்.

மேலும் ராதாரவி, திமுக உறுப்பினர் பழ. கருப்பையா, வரலட்சுமி சரத்குமார் ஆகியோர் முக்கிய கதாபாத்திரத்தில் நடித்து வருகின்றனர். ஏ.ஆர். ரஹ்மான் சர்கார் படத்திற்கு இசையமைத்துள்ளார்.

இந்தாண்டு தீபாவளியை முன்னிட்டு திரைக்கு கொண்டு வர திட்டமிடப்பட்டுள்ள ’சர்கார்’ படம், நடிகர் விஜயின் அரசியல் ஆத்தியத்திற்கு தொடக்கப்புள்ளியாக இருக்கும் என எதிர்பார்க்கப்படுகிறது.

SHARE