Tuesday, October 30, 2018

மன்னாரில் அரசியல் தலையீடுகள் இன்றி மாவீரர் தினத்தை நினைவு கூறுவோம்!

SHARE

மன்னார் மாவட்டத்தில் அடுத்த மாதம் 27 ஆம் திகதி நினைவு கூறப்படவுள்ள மாவீரர் தின நினைவேந்தல்களின் போது அரசியல்கட்கிகளையோ அல்லது அரசியல் பிரதிநிதிகளையோ உற்புகுத்தாது பொதுவான மாவீரர் தின நினைவேந்தலாக அமைய வேண்டும் என அருட்தந்தை நவரட்ணம் அடிகளார் தெரிவித்தார்.

அடுத்த மாதம் 27 திகதி தமிழ் மக்களுக்காக உயிர் நீர்த்த மாவீர்களை நினைவு கூறும் மாவீரர் தின நினைவேந்தல் நிகழ்வு வடக்கு கிழக்கு தமிழர் தாயக பகுதிகளில் இடம் பெறுவதற்கான ஏற்பாடுகள் இடம் பெற்று வருகின்றது.

அந்த வகையில் மன்னார் மாவட்டத்தில் ஆட்காட்டி வெளி மற்றும் பண்டி விரிச்சான் ஆகிய இரு இடங்களில் மாவீர் துயிலும் இல்லங்களிலும் மாவீரர் தின நினை வேந்தல்கள் இடம் பெறவுள்ளது.

 குறித்த இரு மாவீரர் துயிலும் இல்லங்களிலும்   மாவீரர்களுக்கான நினை வேந்தல்களை மேற்கொள்வதற்கான ஏற்பாடுகள் தொடர்பான கலந்துரையாடல் ஒன்று  இன்று காலை 10 மணியலவில் மன்னார் பெரியகமம் பொது மண்டபத்தில் இடம் பெற்றது.

இதன் போது கலந்து கொண்டு உரையாற்றுகையிலேயே அருட்தந்தை நவரட்ணம் அடிகளார் தெரிவித்தார்.

இது குறித்து மேலும் தெரிவிக்கையில்,

மன்னார் மாவட்டத்தில் இடம் பெறவுள்ள மாவீரர் தின நினைவேந்தல் குழுவில்   அரசியல் கட்சிகளின் பெயர்கள் அல்லது  கருத்துக்களோ இதில் அமைக்கப்படும் குழுக்களிலே வேண்டாம்.

யாராக இருந்தாலும் அரசியல் கட்சிகளை பிரதி நிதித்துவப்படுத்தாது தனி நபரக வரலாம் . மாவீர்கள் எதை விட்டு சென்றார்களோ அதை உண்மையிலே தொடர நினைப்பவர்களே வரவேண்டும்.

இறத்த மாவீரர்களின் ஆசை வெறுமனே நாம் தூவும் பூக்களில் சாந்தியடைய போவதில்லை . அவர்களிக் கொள்கைகளை நாம்  தெடர்வதிலேயே சாந்தியமடையும்.

அத்துடன்  2016 ஆம், 2017 ஆம் ஆண்டுகளில் நல்லாட்சி அரசாங்கத்திலும் அச்சுறுத்தல்கள் காணப்பட்டன. இனியும் தொடரத்தான் போகின்றது.

எனவே அதை பற்றி கவலைப்படாது எமக்காக இறந்தவர்களை நினைவு கூறுவோம் என அவர் மேலும் தெரிவித்தார்.

குறித்த கலந்துரையாடலில் அருட்தந்தையர்கள் ,முன்னாள் போராளிகள் , மாவீரர் குடும்பத்தினர் , மன்னார் நகர மற்றும் பிரதேச சபை உறுப்பினர்கள் பொது மக்கள் என பலரும் கலந்த கொண்டிருந்தனர்.

இதன் போது  குறித்த கூட்டத்தில் இடம் பெற இருக்கும் மாவீரர் நினைவேந்தல் நிகழ்வுகளின் ஒழுங்கமைப்பு மற்றும் கட்டமைப்பு உற்பட அனைத்து விடயங்கள் தொடர்பாக விரிவாக கலந்துரையாடப்பட்டமை குறிப்பிடத்தக்கது.





SHARE