Tuesday, January 8, 2019

வடமாகாணம் தழுவிய இயற்கைவழி விவசாய வாரம் ஆரம்பம்!

SHARE

புதிய வெளிச்சம் அமைப்பின் அனுசரணையுடன் இயற்கைவழி இயக்கத்தின் ஏற்பாட்டில் இயற்கைவழி விவசாய வாரமாக இம் மாதம்- 08 ஆம் திகதி முதல் 14 ஆம் திகதி வரை பிரகடனப்படுத்தப்பட்டுள்ளது.

குறித்த வாரத்தில் வடக்கின் சகல மாவட்டங்களிலும் இயற்கைவழி ஆர்வலர்களின் பங்கெடுப்புடன் பல்வேறு விழிப்புணர்வு நிகழ்வுகள் நடாத்துவதற்குத் திட்டமிடப்பட்டுள்ளன.

அந்தவகையில் இன்று செவ்வாய்க்கிழமை(08)மன்னாரில் தட்சணமருதமடுவில் பண்ணைப் பெண்கள் அமைப்பின் ஒழுங்கமைப்பில் காலை-09 மணி முதல் பிற்பகல்-01 மணி வரையும் இடம்பெற்றன.

நாளை புதன்கிழமை(09)அன்று வவுனியா தாண்டிக்குளத்தில் அமைந்துள்ள இலங்கை விவசாயக் கல்லூரியில் முற்பகல்-10 மணி முதல் பிற்பகல்-01 மணி வரையும், நாளை மறுதினம் வியாழக்கிழமை(10) அன்று கிளிநொச்சி நகரில் கிளிநொச்சி மத்தியகல்லூரி மைதானத்துக்கு எதிரில் முற்பகல்- 10 மணி முதல் பிற்பகல்-01 மணி வரையும், எதிர்வரும் வெள்ளிக்கிழமை(11) அன்று ஜெயபுரம் பல்லவராயன் கட்டில் அமைந்துள்ள இளைஞர் சேவைகள் மன்றத்தின் விவசாயப் பயிற்சிப் பண்ணையில் காலை-09 மணி முதல் பிற்பகல்-01 மணி வரையும் எதிர்வரும்-12 ஆம் திகதி செவ்வாய்க்கிழமை அன்று மன்னாரில் அடம்பன் பண்ணையில் முற்பகல்-10 மணி முதல் பிற்பகல்-01 மணி வரையும் நிகழ்வுகள் இடம்பெறவுள்ளன.

எதிர்வரும்-13 ஆம் திகதி ஞாயிற்றுக்கிழமை அன்று யாழ்ப்பாணம் புன்னாலைக்கட்டுவனில் அமைந்துள்ள மார்கோசா கிறீனில் முற்பகல்-10 மணி முதல் பிற்பகல்-01 மணி வரை இடம்பெறவுள்ள நிகழ்வில் இயற்கைவழி இயக்கத்தின் இணையத்தளம் உத்தியோகபூர்வமாக ஆரம்பித்து வைக்கப்படவுள்ளது.

எதிர்வரும்-14 ஆம் திகதி திங்கட்கிழமை அன்று முல்லைத்தீவு கைவேலியில் அமைந்துள்ள செல்வபாக்கியம் பண்ணையில் முற்பகல்-10 மணி முதல் பிற்பகல்-01 மணி வரை நிகழ்வுகள் இடம்பெறும்.

பாடசாலை மாணவர்களிற்கான விழிப்புணர்வு, உள்ளூர் விவசாயிகளுடனான கலந்துரையாடல், கிளிநொச்சி-மன்னார் மாவட்டங்களிற்குரிய அங்காடிகள் அறிமுக நிகழ்வு என்பன மேற்குறித்த நிகழ்வுகளின் முக்கிய அம்சங்களாகும்.

மேற் குறித்த நிகழ்வுகளில் அனைவரையும் அவசியம் கலந்து கொள்ளுமாறு இயற்கைவழி இயக்கத்தின் சார்பில் அனைவருக்கும் அழைப்பு விடுக்கப்பட்டுள்ளது .

மேலதிக தகவல்களிற்கு இயற்கைவழிச் செயற்பாட்டாளர் கு.வசீகரனின் 077 378 8795 அல்லது 075 973 2169 எனும் தொலைபேசி இலக்கங்களுடாகத் தொடர்பு கொண்டு தகவல்களைப் பெற்றுக் கொள்ள முடியும்.

“நஞ்சற்ற உணவையே நாடுவோம் -நம் நிலத்தில் இயற்கைவழி வாழுவோம்.அஞ்சிடோம்… எழுவோம்… மக்கள் ஆரோக்கியமதைக் காப்போம்…” எனவும் ஏற்பாட்டாளர்கள் தரப்பில் தெரிவிக்கப்பட்டுள்ளது.

- யாழ் .தர்மினி  பத்மநாதன்  -
SHARE