நோய் வரும்போது அதை குணப்படுத்த நினைப்பதை விட ஆரோக்கியமாக இருக்கும் போதே நோய் வருவதை தடுப்பதை நல்லது.
ஆயுர்வேத முறைப்படி நோய்களை தடுப்பதற்கு முதலில் குடல், பெருங்குடல் மற்றும் கல்லீரலில் இருந்து நச்சுக்களை அகற்றுவதாகும்.
ஏனெனில் இவையே பொதுவாக மலச்சிக்கல் மற்றும் உடலில் நச்சுகள் சேருவதற்கு காரணமாகின்றன.
சரியான உணவை உட்கொண்டு எடையை குறைப்பதன் மூலம் இந்த அனைத்து பிரச்சனைகளையும் எதிர்த்து போராட முடியும்.
எனவே உங்கள் எடை இழப்பிற்கு உதவுவதற்கும் நல்ல உடல் ஆரோக்கியத்தை பெறுவதற்கும் வெறும் வயிற்றில் சில உணவுகளை உட்கொள்வது பயனளிக்கும். அந்த உணவுகளை நாங்கள் பட்டியலிட்டுள்ளோம்.
சூடான நீரில் நெய் அல்லது எலுமிச்சை சாறு
வெறும் வயிற்றில் உணவை உட்கொள்வதில் முதல் செயல்முறையை இப்போது பார்ப்போம். 200 மிலி வெது வெதுப்பான நீரில் எலுமிச்சையை பிழிய வேண்டும் அல்லது எலுமிச்சை சாறை சேர்க்க வேண்டும்.
இதில் உள்ள பெரிஸ்டால்சிஸ் உணவில் உள்ள கழிவுகள் கீழ்நோக்கி செல்ல உதவுகின்றன.
ஒருவேளை நீங்கள் மெலிந்த உடல் அல்லது நடுத்தர உடலை கொண்டவர் என்றால் எலுமிச்சைக்கு பதில் தண்ணீரில் ஒரு தேக்கரண்டி நெய்யை பயன்படுத்தலாம்.
இது செரிமான பாதையை மேம்படுத்துவதற்கும் மலச்சிக்கல் தொடர்பான பிரச்சனைகளை சரி செய்ய உதவுகிறது.
மூலிகை தேநீர்
காலையில் தேநீர் உட்கொள்வது என்பது இந்திய மக்களிடையே தொன்று தொட்டு வரும் பழக்கமாகும். ஆனால் அதில் ஒரு சிறிய மாற்றத்தை கொண்டு வருவதன் மூலம் உடலுக்கு நன்மை பயக்கும் பானமாக தேநீரை மாற்றலாம். இதற்கு ஒரு கலவையை தயார் செய்ய வேண்டும்.
1 தேக்கரண்டி சீரகம், 1 தேக்கரண்டி பெருஞ்சீரகம், 1 தேக்கரண்டி கொத்தமல்லி தூள் அல்லது கொத்தமல்லி, 1 ஏலக்காய் அல்லது ஏலக்காய் தூள் ஆகியவற்றை தண்ணீரில் கலந்து கொதிக்க வைக்கவும். தண்ணீர் பாதியாகும் வரை கொதிக்க வைக்கவும். அதன் பிறகு ஆற வைத்து அருந்தவும். இது உங்கள் வயிற்றில் வீக்கம் மற்றும் அஜீரண சிக்கல்களை குறைக்க உதவுகிறது.
வளர்சிதை மாற்ற தேநீர்
இந்தியர்களின் மனநிலையை புரிந்துக்கொண்டு நாங்கள் தேநீரை அதிகம் வகைப்படுத்தியுள்ளோம்.
இந்த தேநீர் செய்வதற்கு இலவங்கப்பட்டை, ஏலக்காய், கிராம்பு, அரைத்த இஞ்சி, மிளகு, நட்சத்திர சோம்பு மற்றும் மஞ்சள் ஆகியவற்றை தண்ணீரில் வேக வைத்து தேநீராக அருந்தலாம்.
இது உங்கள் உடலில் வளர்சிதை மாற்றத்தை ஊக்கப்படுத்தும்.
சிறிது எலுமிச்சையை அதில் சேர்த்து அதில் சர்க்கரையையும் சேர்த்து அருந்தலாம். இந்த தேநீர் உடல் வெப்பத்திலும் வளர்சிதை மாற்றத்திலும் வியக்கத்தகு மாற்றத்தை ஏற்படுத்துகிறது.
இதனால் இந்த தேநீர் உடல் எடை இழப்பிற்கு உதவுகிறது.